Sweet Devils

 

1999 huet d'Espérance Esch en éischte Grupp vun Cheerleaders an d'Liewe geruff.

 

Aus fréieren Turnerinnen an Dänzerinnen, déi an enger éischter Phas Choreographien mat Pomponen an einfachen akrobateschen Elementer virgefouert hunn, ass mat de Joren e Grupp entstane, deen un internationale Meeschterschaften Deel hëlt.

 

Haut sinn d'Sweet Devils 17 Memberen am Alter tëscht 14 an 31 Joer, déi 2 Mol d'Woch trainéieren. An Tëschenzäit läit de Schwéierpunkt vum Training op de Level-gerechte Stunte a Pyramiden. Op d'mannst emol d'Joer participéieren d'Sweet Devils un enger Cheerleadermeeschterschaft am Ausland.

 

Am Joer 2019 hu si et op zwou Competitiounen, zu Bottrop an zu Düsseldorf, souguer op déi éischte Plaz an hirer Kategorie gepackt. Hiren Niveau huet sech sécherlech och duerch d'Ënnerstëtzung vun zwee erfuerenen Cheerleader aus Däitschland verbessert, déi d'Sweet Devils zënter 2017 coachen. D'Sweet Devils sinn awer och weiderhin op villen Evenementer hei am Land am Asaz, wou si haaptsächlech aner Sportler ufeieren an mat kuerzen Optrëtter d'Leit begeeschteren.

 

2019 hunn d'Sweet Devils sech fir de Summit 2020, d'Cheerleaderweltmeeschterschaft fir Veräiner zu Orlando qualifizéiert. Leider huet de CoVid19 de Meedercher e Stréch duerch d'Rechnung gemaach. D'Participatioun un dësem speziellen Event huet missten annuléiert ginn.

 

2022 war och eng erfollegräich Saison fir d'Sweet Devils. Si hunn bei den Elite Championships zu Bottrop an der Kategorie Senior Allgirl Cheer Level 4 déi 2. Platz erreecht an beim SALC zu Düsseldorf an der selwechter Kategorie och déi 2. Platz.

 

 

Mer trainéieren:

 

Mëttwochs vun 19.30 Auer bis 21.30 Auer am Turnsall vun der Escher Sportshal    

Sonndes vun 10.00 Auer bis 12.00 Auer am Turnsall vun der Escher Sportshal

 
Präis pro Saison (vun September 2022 bis Juli 2023)  -> 210 Euros 
 

Aschreiwen kann een sech hei: L'Espérance Esch - Inscription (esperance.lu)  awer eréischt no den Tryouts déi den 18.9.2022 (moies) waerten stattfannen. Fir d'Tryouts kann een sech op der Instagram- oder Facebooksäit vun de Sweet Devils umellen.

Wann weider Froen sinn, einfach mellen um 621 21 44 88 (Whatsapp oder Telefon) oder per Email op contact@esperance.lu.     

 

Den 1. Training ass Mëttwoch den 21. September 2022 fir déi Meedercher wou sélektionnéiert gi sinn.   

COACHES

1567823c03eb6ebef12cdcbc6bab01234f21d8_.jpeg
 
Mark Wilking

 
156782f71c7fe0d100ade54b2bd41c6a5f33a9_.jpeg
  
Sinikka Wilking

156782517e4b5ffac53c260f53f83164539093_.jpeg

156782916ca13f4e0958cfe233294f3119d970_.jpeg

15678245bf6682dbacfac856ae6dcea767f375_.jpeg